Éigse Dhiarmuid Uí Shúilleabháin 2020

Tá an bheart déanta arís againn agus an 29ú Éigse Dhiarmuidín comórtha agus ceiliúrtha anois. 

Féile í seo atá rí-thábhachtach dár bhféiniúlacht agus dár n-aitheantas cultúrtha mar Ghaeil agus tá athnuachan déanta arís againn inné agus inniu, i dteannta a chéile, ar an oidhreacht luachmhar sin.

Ár mbuíochas libhse arís as a bheith linn ar líne i mbliana agus arís ár mbuíochas lenar n-aíonna iontacha i gceolchoirm na hoíche aréir agus buíochas lenár n-aíonna a chonaic sibh thar na mblianta ag Ceadal na hÉigse anseo arís inniu ó Chartlann na hÉigse.

Is mór ag Éigse Dhiarmuid Uí Shúilleabháin an tacaíocht agus an dílseacht a léirigh sibhse dúinn le 29 bliain anuas agus táimid dóchasach go mbeidh an uile duine agaibh linn an bhliain seo chugainn arís i nGaeltacht Mhúscraí, nuair a dhéanfar ceiliúradh breá Gaelach le ceol, amhráin, rince agus comhluadar ar an 30ú Éigse Dhiarmuid Uí Shúilleabháin i 2021.

Go dtí sin a chairde na hÉigse, go dté sibh slán!


Éigse Dhiarmuid Uí Shúilleabháin would like to sincerely thank all our performing artists, funders and supporters for making this the 29th Éigse a success. We look forward to welcoming you again to the Múscraí Gaeltacht next year for the 30th Éigse Dhiarmuid Uí Shúilleabháin 2021.

Veidhlín Maidhcí

Is deireadh seachtaine mór i deireadh seachtaine na hÉigse, don cheantar, agus do na Maidhcí’s, muintir Maidhcí Ó Súilleabháin, athair Dhiarmuidín, go háirithe. Ba chóir go dtabharfadh an píosa speisialta seo léargas daoibh ar an bhfear é féin agus conas mar a chuaigh a ghrá don cheol agus don chultúr i bhfeidhm ar a chlann agus Diarmuidín féin.

“Seo é an veidhlín a bhuaigh an chéad duais i gcomórtas an ‘Wooden Toy’ ag seó i gCorcaigh. 🥇🏆

Thug Maidhcí Ó Súilleabháin faoi veidhlín a dhéanamh go luath sna 60í agus é i seilbh a mhuintire i gcónaí a bhuíochas do ranganna Mhíchíl Uí Lionáird. 🎻🎻

Buíochas do MOLSCÉAL agus Seamus O Suilleabhain as ucht é chur i lathair.

GRIOGAIR LABHRUIDH : #ÉIGSE20

Tha Griogair Labhruidh na neach-nuadhachaidh ainmeil agus cliùiteach ann an ceòl na h-Alba. Bàrd, seinneadair agus neach-ciùil Gàidhlig Albannach à Gart a ’Chàirn (Gartocharn) le freumhan làidir ann an traidisean Gàidhlig Bhaile a’ Chaolais (Ballachulish) ann an Gàidhealtachd na h-Alba. Tha e moiteil a bhith a ’cumail cànan dùthchasach, seinn agus pìobaireachd nan daoine beò.

Is nuálaí mór le rá é Griogair Labhruidh i gceol na hAlban. File, ceoltóir, agus amhránaí as Gart a’ Chàirn i Siorrachd Dhùn Breatann an Iar le fréamhacha láidre i dtraidisiún Gaelach Bhaile a’ Chaolais i nGàidhealtachd na hAlban. Tá sé an-bhródúil as teanga, amhránaíocht agus píobaireacht a mhuintire a choimeád beo bríomhar. Tá spéis faoi leith ag Griogair san amhránaíocht dhúchasach in Albain agus in Éirinn.

Griogair Labhruidh is a well-known and well-respected innovator in Scottish music. A Scottish Gaelic poet, singer and musician from Gart a’ Chàirn (Gartocharn) with strong roots in the Gaelic tradition of Bhaile a’ Chaolais (Ballachulish) in the Scottish Highlands. He is proud to be keeping the indigenous language, singing and piping tradition of his people alive.

NUADÁN : #Éigse20

Grúpa ildánach Déiseach iad Nuadán (na deartháireacha Cárthach, Macdara, Pax Ó Faoláin ón Rinn, Iarlaith Mac Gabhann, Baile Átha Cliath) a sheinneann sa stíl thraidisiúnta inar tógadh baill an ghrúpa agus amhráin áitiúla acu as Gaoluinn agus as Béarla. Cuirtear an traidisiún chun cinn cé go gcuireann gach ball a splanc féin leis an gceol chomh maith. I mí na Samhna 2019 ag Féile Ceoil na hInse, i gCo an Chláir, sheol Nuadán ceirnín dar teideal Dén Díobháil, an tarna ceirnín uathu.

Nuadán (which is made up of brothers Cárthach, Macdara and Pax Ó Faoláin from An Rinn, Co. Waterford, and Iarlaith Mac Gabhann, Dublin) are a vibrant band from the Déise who play a wide range of traditional tunes and sing local sean-nós, macaronic and traditional songs in English. The band focuses on keeping the tradition they were brought up with alive, while also adding something new to the music. In November 2019, they launched Dén Díobháil at the Ennis Trad Fest which was their second album.

NÓIRÍN MAIDHCÍ Ó DÁLAIGH : #Éigse20

Tá Nóirín ag canadh ó bhí sí ina cailín óg sa bhaile i gCúil Aodha ag foghlaim a cuid amhrán ar dtúis óna thuismitheoirí, Nóra agus Maidhcí, agus óna deirfiúr Eilís agus óna deartháir Diarmuid.

Tá cáil ar mhuintir Shúilleabháin, an triúr atá ag canadh i gceolchoirm na hÉigse i mbliana, agus an bheirt deirféar eile, Eilís agus Máirín, as an stór mór amhrán Múscraíoch atá acu i nGaoluinn, i mBéarla agus go dátheangach. Is duine den gclann cheolmhar seo í Nóirín.

Nóirín heard and learned songs, as did all of her siblings, from both their parents and from singers in the wider family and local community in Cúil Aodha. Between them all, the Ó Súilleabháin family, those singing at this year’s Digital Concert, as well as sisters Eilís and Máirín, all share a huge store of local Muscraí songs – a vast repertoire of songs in Irish, in English and bilingual.

EOINÍ MAIDHCÍ Ó SÚILLEABHÁIN : #Éigse20

Tá Eoiní ag canadh ó bhí sé ina gharsúinín óg sa bhaile i gCúil Aodha ag foghlaim a chuid amhrán ar dtúis óna thuismitheoirí, Nóra agus Maidhcí, agus ó amhránaithe muinteartha cosúil le Seán Eoghain a’ Bhab Ó Súilleabháin agus amhránaithe eile i bpobal Chúil Aodha. 

Tá cáil ar Eoiní as an stór mór amhrán Múscraíoch atá aige i nGaoluinn, i mBéarla agus go dátheangach. Ar na daoine eile a raibh tionchar acu ar amhránaíocht Eoiní bhí Séamus Mac Mathúna agus Seán Ó Riada. Duine de mhór-amhránaithe Mhúscraí le fada an lá.

Like all of his siblings, Eoiní has been singing since he was a young child. Learning songs from both his parents and from singers in the wider family group like Seán Eoghain a’ Bhab Ó Suilleabháin and the many singers in the local community. He has rich store of local songs in Irish, in English and bilingual songs. Influences on his singing also include Seamus Mac Mathúna and Seán Ó Riada. Eoiní is recognised as a particularly important bearer of the Múscraí singing tradition.

DANNY MAIDHCÍ Ó SÚILLEABHÁIN : #Éigse20

Duine de mhór-amhránaithe Mhúscraí le fada an lá is ea Danny. Thosnaigh sé ag foghlaim a chuid amhrán sa bhaile óna thuismitheoirí, Nóra agus Maidhcí. Bhíodh amhránaíocht ar siúl i Scoil Bharr Duínse leis agus é ag dul ar scoil ann.

Chuaigh Dónal Ó Mulláin ó Screathan na nGabhann i bhfeidhm air blianta níos déanaí nuair a théadh sé ar scoraíocht chuige. Bhíodh ana-thóir aige ar amhráin an chumadóra áitiúil, Danny Tom Ó Liatháin.

Daoine eile a raibh tionchar acu ar a chuid amhránaíochta, ó lasmuigh de Mhúscraí, ab ea Liam Weldon agus Jim Kelly i mBaile Átha Cliath. Tá cáil ar Danny as an stór mór amhrán atá aige.

Like all of his siblings, Danny has been singing since he was a young child. Learning songs from both his parents and from singers in the wider family group and the local community. He is known for his rich store of local songs; songs in Irish, in English and bilingual songs. Danny is recognised as a particularly important bearer of the Múscraí singing tradition. Danny’s latest album ‘Buail do Phuc agus Liúigh (2016) contains 38 songs.