Ceardlanna Amhránaíochta & Ceoil 2019

Beidh an t-ádh le daltaí amhránaíochta i mbliana mar go mbeidh rogha acu idir dhá mhúinteoir amhránaíochta den chéadscoth. Beidh Rita Gallaghaer ó Na Frosa, Co. Dhún na nGall, i mbun ceardlainne amhránaíochta i mBéarla agus beidh Treasa Ní Mhiolláin, as Árann Mór, Oileáin Árainn, Co. na Gaillimhe, i bhfeidhil ceardlainne amhránaíochta as Gaeilge ar an sean-nós.

Tá liosta de cheardlanna agus múinteoirí Éigse 2019 foilsithe anseo.

Íoslódáil an fhoirm iarratais anseo /
Download the application form here.

Bíonn an-ghlaoch ar cheardlanna na hÉigse gach bliain, dá bhrí sin, moltar áit a chur in áirithe chomh luath agus is féidir.

Tá na ranganna seo á n-eagrú ag Coiste na hÉigse i gcomhpháirt le hIonad Cultúrtha an Dochtúra Uí Loingsigh agus le Coláiste Ghobnatan, Bord Oideachais agus Oiliúna Chorcaí.

Éigse Dhiarmuid Uí Shúilleabháin will take place in the Múscraí Gaeltacht of Co. Cork from Friday 29 November to Sunday 01 December 2019.

We are delighted to announce that Éigse Dhiarmuidín festival will be opened by Liam O’Connor, newly appointed Director of the Irish Traditional Music Archive ( www.itma.ie ) on the evening of Friday 29 November, 2019 in Cúil Aodha. This will be the 28th annual musical celebration in memory of the Cúil Aodha singer, Diarmuid Ó Súilleabháin, in the Múscraí Gaeltacht of County Cork.

Diarmuid Ó Súilleabháin was very well known for his unique singing style and versions of many celebrated songs to come from the Múscraí area. He was, among other things, a teacher and later worked as a journalist with RTÉ Ráidió na Gaeltachta.

Students of traditional singing are spoiled for choice as we’re doubly lucky this year to have Rita Gallagher from Frosses in Co. Donegal, teaching traditional singing in English and Treasa Ní Mhiolláin, from Árann Mór in the Aran Islands, Co. Galway teaching sean-nós singing as Gaeilge.

All eight workshops will take place on the morning of Saturday 30th November and will be conducted by talented singers and musicians. They include gifted concertina player Caitlín Nic Gabhann, and from Killeshandra Co. Cavan on flute Cein Sweeney, on fiddle Dylan Carlos from Co. Roscommon, dancer Breandán Seoighe from Conamara and on Accordion from Co. Galway Conor Connolly and all the way from Sligo and Kilmoyely in Co. Kerry, one of Ireland’s leading uilleann pipers, Leonard Barry.

These workshops are in high demand and for further information on them please contact ‘Ionad Cultúrtha an Dochtúra Uí Loingsigh’ on www.ionadculturtha.ie or on 026 45733, to reserve your place as soon as possible. All details on the workshops and the festival are on www.eigse.ie .

Shortly after the workshops will have concluded a special screening of the film ‘DIARMUIDÍN’ by local director Peter Carr will take place, free of charge, in the local cultural centre ‘Ionad Cultúrtha an Dochtúra Uí Loingsigh’ on Saturday 30th November at 14:00.

Music, song and dance will be heard all over the Múscraí area during the Éigse weekend in the local establishments with a Gala Concert taking place on Saturday evening at 20:00 in Áras Éamoin Mhic Shuibhne in Cúil Aodha, when the workshop teachers mentioned will be joined by popular traditional music group ‘Out The Gap’, the local and internationally renowned male-voice choir Cór Chúil Aodha and the winner of Corn Uí Riada 2019 at Oireachtas na Gaeilge, Máire Ní Choilm. It promises to be a very special concert indeed.

As if that wasn’t enough, after the Gala Concert in the community Hall in Cúil Aodha, you can join the music session in the Abbey Hotel in Baile Bhuirne led by Richard Lucey and friends or join the Singers’ get together in The Mills Inn and well-known local singer Eoiní Maidhcí Ó Súilleabháin as Fear an Tí .

At 11:00 on Sunday the Ó Riada mass will be sung by the legendary local choir, Cór Chúil Aodha directed by Peadar Ó Riada.

A very special Music Recital in the magical atmosphere of the Old-Church in St. Gobnait’s cemetery later on Sunday at 12:00 is a must for music lovers. This year’s recital will feature Caitlín Nic Gabhann on concertina and Leonard Barry on uileann pipes and this promises to be a unique and charming occasion.

If you feel like listening to the finest of Sliabh Luachra music on Sunday afternoon, you can call to the Abbey Hotel in Baile Bhuirne at 15:00 and join Jimmy Doyle and friends or head to Barr an Chuma/Top of Coom, the Highest Pub in Ireland, for an afternoon of traditional singing, which starts at 15:30. This afternoon of singing will feature the best in traditional and sean nós singing from local singers and visiting singers alike.

Whatever feature of Irish singing and music you’re interested in, ÉIGSE Dhiarmuid Uí Shúilleabháin is a real gem and feast of traditional culture with the Irish language itself at the very heart of the festival, naturally.

Éigse Dhiarmuid Uí Shúilleabháin in the heart of the Múscraí Gaeltacht is considered by many to be a Mecca on the Irish traditional music landscape.

So what are you waiting for, re-schedule, clear your diaries and call to, and take part in, the Éigse this year.

Beidh fáilte agus fiche romhat ag an Éigse.

Reáchtálfar Éigse Dhiarmuid Uí Shúilleabháin arís i mbliana i nGaeltacht Mhúscraí, Co. Chorcaí ón Aoine 29 Samhain go dtí an Domhnach 01 Nollaig 2019.

Cuirfear tús le himeachtaí Éigse Dhiarmuidín ar an Aoine 29 Samhain in Áras Éamoin Mhic Shuibhne ag 20:30. Is é Stiúrthóir nua Taisce Cheol Dúchais Éireann (www.itma.ie ), Liam O’Connor, a dhéanfadh an Oscailt Oifigiúil ag 21:00. Beidh sé seo ar an ochtú Éigse is fiche a dhéanfaidh ceiliúradh ceolmhar ar shaol agus ar amhránaíocht Dhiarmuda Uí Shúilleabháin, an t-amhránaí clúiteach ó Chúil Aodha i nGaeltacht Mhúscraí a cailleadh sa bhliain 1991.

Bhí cáil agus meas ar an Súilleabhánach as feabhas agus stíl a chuid amhránaíochta agus an cumas a bhí ann a leagan féin a dhéanamh d’amhráin agus é sin go háirithe i gcás an repertoire amhrán áitiúil Múscraíoch. I measc rudaí éagsúla eile, bhí sé ina mhúinteoir tráth dá shaol agus ina chraoltóir le RTÉ Ráidió na Gaeltachta.

Faigheann daoine ar spéis leo na healaíona dúchais deis a scileanna féin a fheabhsú trí pháirt a ghlacadh i gceardlanna agus i seisiúin atá eagraithe in ionaid agus i dtábhairní i gcaitheamh an deireadh seachtaine agus is amhlaidh atá clár lán d’imeachtaí eagraithe arís don Éigse i mbliana. Beidh an t-ádh le daltaí amhránaíochta i mbliana mar go mbeidh rogha acu idir dhá mhúinteoir amhránaíochta den chéadscoth. Beidh Rita Gallaghaer ó Na Frosa, Co. Dhún na nGall, i mbun ceardlainne amhránaíochta i mBéarla agus beidh Treasa Ní Mhiolláin, as Árann Mór, Oileáin Árainn, Co. na Gaillimhe, i bhfeidhil ceardlainne amhránaíochta as Gaeilge ar an sean-nós.

Beidh ocht gceardlann ar siúl ar maidin Shatharn ó 10:00 go dtí 12:30 in Ionad Cultúrtha an Dochtúra Uí Loingsigh agus i gColáiste Ghobnatan agus ar na múinteoirí cáiliúla eile a thabharfaidh ceardlanna beidh Caitlín Nic Gabhann ar an gConsairtín, Dylan Carlos ar an bhFidil, beidh Cein Sweeney ar an bhFeadóg Mhór agus Conor Connolly ar an mBosca Ceoil chomh maith le Breandán Seoighe ag tabhairt ranga rince ar an sean nós agus cé go bhfuil cónaí anois air i Sligeach, is as Cill Mhaoile i gCo. Chiarraí don phíobaire cáiliúil Leonard Barry. Téigh díreach i dteagmháil le Síle nó Aoife in Ionad Cultúrtha an Dochtúra Uí Loingsigh chun d’áit a chur in áirithe sa cheardlann is spéis leat ag www.ionadculturtha.ie nó ar ghuthán ag 026 45733. Tá na sonraí ar fad agus nótaí beathaisnéise ar mhúinteoirí na gceardlann ar fáil ar shuíomh na hÉigse féin ag www.eigse.ie .

Sna sála ar na ceardlanna seo cuirfear scannán ar siúl ag 14:00, cead isteach soar in aisce, dar teideal ‘DIARMUIDÍN’ agus beidh Peter Carr, Stiúrthóir an scannáin i láthair.

Beidh scoth an cheoil, na hamhránaíochta agus na rince le clos agus le feiscint ar fud Mhúscraí i gcaitheamh dheireadh seachtaine na hÉigse in ionaid agus i dtábhairní na háite. Um thráthnóna Dé Sathairn, i mBarr an Chuma, an tábhairne is airde in Éirinn, beidh an grúpa bríomhar ‘Out The Gap’ ag seinnt ó 15:30 go 17:30. 

Ar 20:00 ar an Satharn 30 Samhain, ‘sí Doireann Ní Ghlacáin a bheidh ina Bean an Tí ar an gceolchoirm mhór a bheidh ar siúl in Áras Éamoin Mhic Shuibhne i gCúil Aodha. I dteannta na gceoltóirí agus na n-amhránaithe a bheidh i mbun na gceardlann beidh an grúpa ‘Out The Gap’ tagtha anuas ó bheith ag seinmt i mBarr an Chuma, beidh Máire Ní Choilm, a bhuaigh Corn Uí Riada ag Oireachtas na Samhna le déanaí. Ní mian leis an Éigse nós seanbhunaithe a bhriseadh dá bhrí sin cuirfear clabhsúr ceolmhar leis an gceolchoirm, don ochtú bliain is fiche i ndiaidh a chéile, le cúpla amhrán ó Chór Chúil Aodha.

Beidh rogha arís ag éinne ná beidh a ndóthain faighte acu dul go seisiún ceoil le Richard Lucey agus a chairde ag 23:00 in Óstan Ghobnatan i mBaile Bhuirne nó go dtí An Muileann ag 23:00 mar a bheidh an t-amhránaí áitiúil aitheanta Eoiní Maidhcí Ó Súilleabháin ag cur tús le Cruinniú na nAmhránaithe.

Déanfar ceiliúradh ar Aifreann na hÉigse i Séipéal Ghobnatan i gCúil Aodha agus is é Cór Chúil Aodha a chanfaidh ann faoi stiúir Pheadair Uí Riada. Craolfar an t-aifreann seo beo ar RTÉ Ráidió na Gaeltachta (www.rte.ie/rnag/).

Bí i láthair sa Sean-Teampall i Reilig Ghobnatan ag 11:30 do Cheadal Ceoil (Music Recital) na hÉigse. Ócáid speisialta i gcónaí ag an Éigse í seo agus is iad Leonard Barry ar na píoba agus Caitlín Nic Gabhann ar an gconsairtín a bheidh ag seinnt. Bíonn slua breá ag súil go mór leis an ócáid seo a bhíonn éagsúil draíochtúil sa tsean-teampall – ná dearúd do gheansaí mór agus do lámhainní a bheith ort – ócáid lán le atmaisféar í seo gach bliain.

Más sa tóir ar cheol Shliabh Luachra ataoi is in Óstán Ghobnatan a thiocfaidh tú air i gcomhluadar Jimmy Doyle agus a chairde a thosnóidh ag 15:00 agus más seisiún amhránaíochta is mian leat, gluais siar trí Chúil Aodha arís inairde go Barr an Chuma, an tábhairne is airde in Éirinn, le bheith páirteach ó 15:30 ar aghaidh i dTráthnóna Amhránaíochta na hÉigse – beidh scoth na n-amhránaithe i láthair le Eilís Uí Thuama mar Bhean an Tí. Ar na hamhránaithe a bheidh i láthair beidh Danny Maidhcí Ó Súilleabháin; Deirdre Ní Cheallaigh; Eoiní Maidhcí Ó Súilleabháin; Máire Ní Chéilleachair; Cormac Ó hAodha; Diarmuid Ó Meachair; Máirín Uí Lionáird; Hammy Hamilton; Donncha O’Connell; Concubhar Ó Luasa; Danielle Ní Chéilleachair; Eilís Ní Shúilleabháin agus mórán amhránaithe eile.

Pé saghas nó leibhéal spéise atá agat in amhránaíocht agus i gceol traidisiúnta, seoid ar leith is ea Éigse Dhiarmuid Uí Shúilleabháin i measc féilte na bliana le 27 bliain anus – bí linn don 28ú ceann! 

Beidh fáilte agus fiche romhat ag an Éigse.

Tá fáil ar shonraí uile na hÉigse, an Póstaer agus an Clár féin le léamh, nó le híoslódáil, ach dul go dtí suíomh na hÉigse ag www.eigse.ie nó dein teagmháil le Rúnaí na hÉigse Cormac Ó hAodha; 085 7812115;  eolas@eigse.ie 

CUIMHNÍ CINN MHUINTIR SHÚILLEABHÁIN

Bhí oscailt #ÉIGSE18 an-speisialta mar is iad deirfiúracha agus deartháireacha Dhiarmuda a bhí sa lárchéim don oíche.

Roinn Eilís, Nóirín, Máirín, Danny agus Eoiní cuid dá gcuimhní cinn ar a ndeartháir, Diarmuid, i gcomhrá le Seán Ó Liatháin, buan-chara le Diarmuidín é féin.

Beidh an spórt agus an cibeal go léir, an ceol agus na hamhráin a bhí ag #ÉIGSE18 inár gcuimhne go buan…. go hairithe oiche Dé hAoine.

Go raibh míle maith agaibh go léir

Tá Coiste na hÉigse ana-bhuíoch as na hamhránaithe, na ceoltóirí, rinceoirí agus lucht éisteachta agus féachana go léir a bhí inár dteannta. Chuir sibh go léir rath ar ÉIGSE2018, na ceardlanna, na seisiúin cheoil agus an ceolchoirm ar an Satharn agus an recital agus an amhránaíocht ar an Domhnach.

Thar ceann Choiste Éigse Dhiarmuid Uí Shúilleabháin, go raibh míle maith agaibh go léir agus feicfimid sibh le cúnamh Dé ag #ÉIGSE19

An 27ú ÉIGSE i gcuimhne Dhiarmuid Uí Shúilleabháin

Cuirfear tús le hÉigse na bliana seo ar an Aoine mar is gnáth, an 30ú Samhain, in Áras Éamon Mac Suibhne i gCúil Aodha ar a 8.30 i.n.

Táimíd ag súil le trí lá taithneamhacha spórtúla a bheidh lán de cheol , d’amhránaíocht, de rince agus de spraoi .

Beidh oscailt na bliana seo an-speisialta mar is iad deirfiúracha agus deartháireacha Dhiarmuda a bheidh sa lárchéim don oíche.

Roinnfidh Eilís, Nóirín, Máirín, Danny agus Eoiní cuid dá gcuimhní cinn ar a ndeartháir, Diarmuid, i gcomhrá le Seán Ó Liatháin, buan-chara le Diarmuidín é féin.

Cuirfear tús le CUIMHNÍ CINN MHUINTIR SHÚILLEABHÁIN ag a 9.00 i.n. agus beidh fíon is cáis ar fáil mar is gnáth.

Tá súil againn go mbuailfidh sibh go léir chugainn i Múscraí mar a mbeidh na mílte fáilte romhaibh.

Tá Clár na hÉigse ina iomlán ar fáil anseo.

 

 

Ceardlanna Amhránaíochta & Ceoil 2018

Tá liosta de cheardlanna agus múinteoirí Éigse 2018 foilsithe ar líne anseo.

Bíonn an-ghlaoch ar cheardlanna na hÉigse gach bliain, dá bhrí sin, moltar áit a chur in áirithe chomh luath agus is féidir.

Tá na ranganna seo á n-eagrú ag Coiste na hÉigse i gcomhpháirt le hIonad Cultúrtha an Dochtúra Uí Loingsigh agus le Coláiste Ghobnatan, Bord Oideachais agus Oiliúna Chorcaí.